संकटमोचन हनुमानाष्टक

बाल समय रवि भक्षि लियो तब, तीनहुँ लोक भयो अँधियारो।

Bāl Samay Ravi Bhakshi Liyo Tab, Tīnahu Lok Bhayo Andhiyāro.

ताहि सों त्रास भयो जग को, यह संकट काहु सों जात न टारो॥

Tāhi So Trās Bhayo Jag Ko, Yah Sankat Kāhu So Jāt Na Tāro.

देवन आनि करी बिनती तब, छाँड़ि दियो रवि कष्ट निवारो।

Devan Āni Karī Binatī Tab, Chhāndi Diyo Ravi Kasht Nivāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.

बालि की त्रास कपीस बसै गिरि, जात महाप्रभु पंथ निहारो।

Bāli Kī Trās Kapīs Basai Giri, Jāt Mahāprabhu Panth Nihāro.

चौंकि महामुनि साप दियो तब, चाहिय कौन बिचार बिचारो॥

Chauki Mahāmuni Sāp Diyo Tab, Chāhiya Kaun Bichār Bichāro.

कै द्विज रूप लिवाय महाप्रभु, सो तुम दास के सोक निवारो।

Kai Dwij Rūp Livāy Mahāprabhu, So Tum Dās Ke Sok Nivāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.

अंगद के संग लेन गये सिय, खोज कपीस यह बैन उचारो।

Angad Ke Sang Len Gaye Siy, Khoj Kapīs Yah Bain Uchāro.

जीवत ना बचिहौ हम सो जु, बिना सुधि लाये इहाँ पगु धारो॥

Jīvat Nā Bachihau Ham So Ju, Binā Sudhi Lāye Ihā Pagu Dhāro.

हेरि थके तट सिंधु सबै तब, लाय सिया-सुधि प्राण उबारो।

Heri Thake Tat Sindhu Sabai Tab, Lāy Siyā-sudhi Prān Ubāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.

रावण त्रास दई सिय को सब, राक्षसि सों कहि सोक निवारो।

Rāvan Trās Daī Siy Ko Sab, Rākshasi So Kahi Sok Nivāro.

ताहि समय हनुमान महाप्रभु, जाय महा रजनीचर मारो॥

Tāhi Samay Hanumān Mahāprabhu, Jāy Mahā Rajanīchar Māro.

चाहत सीय असोक सों आगि सु, दै प्रभु मुद्रिका सोक निवारो।

Chāhat Sīy Asok So Āgi Su, Dai Prabhu Mudrikā Sok Nivāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.

बान लग्यो उर लछिमन के तब, प्राण तजे सुत रावन मारो।

Bān Lagyo Ur Lachhiman Ke Tab, Prān Taje Sut Rāvan Māro.

लै गृह बैद्य सुषेन समेत, तबै गिरि द्रोण सु बीर उपारो॥

Lai Grih Baidya Sushen Samet, Tabai Giri Dron Su Bīr Upāro.

आनि सजीवन हाथ दई तब, लछिमन के तुम प्रान उबारो।

Āni Sajīvan Hāth Daī Tab, Lachhiman Ke Tum Prān Ubāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.

रावन जुद्ध अजान कियो तब, नाग कि फाँस सबै सिर डारो।

Rāvan Juddh Ajān Kiyo Tab, Nāg Ki Phās Sabai Sir Dāro.

श्रीरघुनाथ समेत सबै दल, मोह भयो यह संकट भारो॥

Shrī Raghunāth Samet Sabai Dal, Moh Bhayo Yah Sankat Bhāro.

आनि खगेस तबै हनुमान जु, बंधन काटि सुत्रास निवारो।

Āni Khages Tabai Hanumān Ju, Bandhan Kāti Sutrās Nivāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.

बंधु समेत जबै अहिरावन, लै रघुनाथ पाताल सिधारो।

Bandhu Samet Jabai Ahirāvan, Lai Raghunāth Pātāl Sidhāro.

देबिहिं पूजि भली बिधि सों बलि, देउ सबै मिलि मंत्र बिचारो॥

Debihi Pūji Bhalī Bidhi So Bali, Deu Sabai Mili Mantra Bichāro.

जाय सहाय भयो तब ही, अहिरावन सैन्य समेत संहारो।

Jāy Sahāy Bhayo Tab Hī, Ahirāvan Sainya Samet Sanhāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.

काज किये बड़ देवन के तुम, बीर महाप्रभु देखि बिचारो।

Kāj Kiye Bad Devan Ke Tum, Bīr Mahāprabhu Dekhi Bichāro.

कौन सो संकट मोर गरीब को, जो तुमसों नहिं जात है टारो॥

Kaun So Sankat Mor Garīb Ko, Jo Tumso Nahi Jāt Hai Tāro.

बेगि हरो हनुमान महाप्रभु, जो कछु संकट होय हमारो।

Begi Haro Hanumān Mahāprabhu, Jo Kachhu Sankat Hoy Hamāro.

को नहिं जानत है जग में कपि, संकटमोचन नाम तिहारो॥

Ko Nahi Jānat Hai Jag Me Kapi, Sankat-mochan Nām Tihāro.